رفع مستوى اداء تحسين محركات البحث

  رفع مستوى اداء تحسين محركات البحث

تحليل الكلمات المفتاحية:

كتابة المحتوى مش عملية سهلة وبسيطة ولكنها معقدة رغم سهولتها لأنها بتطلب بحث كتير جدًا وإتباع إستراتيجيات معينة في الكتابة.
ولكل منصة من منصات التسويق طريقة كتابة مختلفة ولكن أهم إستراتيجيات الكتابة للموقع الإلكتروني هي إتباع الكلمات المفتاحية.
ولكن قبل إتباعها وضمها في المحتوى لازم الأول تحلل الكلمات المفتاحية دي بدقة عشان تقدر توصل لأكتر كلمات بيستخدمها المستخدمون في
بحثهم ومن بعدها يتم تسليمها لكاتب المحتوى عشان يقدر يحطها في محتواه المكتوب في الأماكن الصح وبطريقة تفيد تحسين محركات البحث.
لأن الفكرة في الكلمات المفتاحية هو الكيف وليس الكم زي ما ناس كتير بتفتكر؛
بمعنى تاني، الأهم من تكرار الكلمات المفتاحية هو إزاي
وفين هتحط الكلمات دي بشكل ميزعجش المستخدم ويفيد تحسين محركات البحث.

تجنب المحتوى المكرر:

من أهم خطوات رفع أداء تحسين محركات البحث هي إنك تتجنب تكرار المحتوى بتاعك،
وهنا مش المقصود بس هو تكرار المحتوى داخل موقعك ولكن كمان مقصود إنك تكرر محتوى أي موقع تاني.
والتكرار هنا معناه التكرار بالظبط أو القص واللزق والمعروف بالسرقة الأدبية أو الـ plagiarism أو التكرار المجمل في إنك تتكلم عن نفس النقاط بالظبط بنفس المحتوى ولكن مع تغيير بسيط في الأسلوب ودة لأن جوجل زي ما قولنا بيسعى لتجربة أحسن للمستخدم وعشان كدة بيكون حابب إنه يلاقي تنوع وإختلاف في المعلومات اللي هيتلقاها.
وبسبب كدة عدم تكرار المحتوى وتجديده باستمرار مهم جدًا لرفع مستوى اداء تحسين محركات البحث

اختيار عناوين مناسبة:

العناوين دايمًا عندها الدقرة إنها تجذب إنتباه شخص وتزود فضوله ورغبته في معرفتها أكتر أو انها تخليه ينفر منها وعشان كدة العناوين
الرئيسية لكل صفحة جوا الموقع ولكل مقال مهمة جدًا جدًا فيرفع مستوى اداء تحسين محركات البحث
لأن لو العناوين دي مكتوبة بعناية إحترافية معناها
إنها هتعجب ناس أكتر وهيزور موقعك ناس أكتر وأكتر.
ولكن العناوين مش معناها بس العناوين الرئيسية؛ عشان تقدر تحافظ على انتباه المستخدم لأطول وقت ممكن محتاج إنك تخليه
ميحسش بأي نوع من أنواع الملل
عشان كدة لازم تقسم صفحتك وخصوصًا لو مقال أو صفحة فيها عدد كبير من الكلمات لأكتر من فقرة بإستخدام أكتر من عنوان فرعي.
وزي ما وضحنا قبل كدة إن تقريبًا من 80 لـ 90% من الناس يبدأوا قراءة بطريقة الـ skimming أو المسح السريع بمعنى إنهم بيبصوا على العناوين الرئيسية
والنقط المهم بس وممكن يلحقوا يقروا كلمتين أو تلاتة بس في النص وبعدها بيقرروا هيقرأوا من الأول بتركيز ولا مش هيستفادوا.
عشان كدة وجود عناوين فرعية واضحة وسلسة وبخط كبير حاجة مهمة جدًا جدًا لرفع مستوى اداء تحسين محركات البحث

سرعة الموقع وتوافقه مع الأجهزة المختلفة:

سرعة تحميل موقعك مش معتمدة بس على سرعة إنترنت المستخدم، ولكنا معتمدة كمان على جودة موقعك نفسه عشان كدة محتاج بإستمرار تراجع السرعة
دي وتتأكد إن سرعة موقعك هي أكبر سرعة ممكنة. وعشان تتأكد من أهمية النقطة دي لرفع مستوى اداء تحسين محركات البحث لموقعك تخيل معايا لو
فتحت أي موقع ولقيته أخد اكتر من 30 ثانية عشان يبدأ
الكلام والصور تظهر ولما ظهرت مظهرتش كاملة ولسة محتاجة وقت،
هل هيكون عندك الصبر اللي يخليك تستنى ولا هتزهق وتخرج منه أو
تروح تشوف الإنترنت بتاعك فيه مشكلة ولا لا؟
هو دة بالظبط اللي بيحصل مع أغلب المستخدمين ونسبة كبيرة جدًا منهم بتقرر إنها تخرج برا الموقع وبالتالي إنت بتخسر
مستخدمين مهتمين وهم بيخسروا معلومات كانوا محتاجين يعرفوها.

تابع مقالاتنا الاخرى عن :-

• كيفية زيادة المشاهدات في اليوتيوب .
• طريقة التسويق في الانستقرام .
• كيفية تفعيل الاعلانات في الفيسبوك .
• استهداف اعلانات انستجرام .
• .كيف تزيد عدد المشتركين في اليوتيوب
• تحسين محركات البحث لموقعك على الويب افضل طرق الاعلان على الانترنت ازاي اعمل اعلان ممول على انستجرام
• نصائح لتحسين محركات البحث اهمية تحسين محركات البحث رفع مستوى اداء تحسين محركات البحث ازاي اعمل اعلان ممول على الفيس طريقة عمل اعلان ممول على جوجل ماركتنج بالعربي