طريقة عمل اعلان ممول على الانستجرام
3 طرق مضمونة لـ تحسين محركات البحث لموقعك على الويب
أصحاب شركات كتير بيعتقدوا إن الظهور في النتائج الأولى لمحركات البحث حاجة عادية بتحصل تلقائي ومش محتاجة شغل ودراسة كتير وبيرجعوا بعد فترة يسألوا، احنا عندنا ويبسايت أهو ليه بقى مش بنطلع في النتائج الأولية؟
الرد على السؤال دة مش هيكون من كلمتين لأنه محتاج إنك تفهم حاجات كتير أوي الأول زي يعني إيه أصلًا محركات بحث وإيه هي طرق تحسين محركات البحث لموقعك على الويب ويعني إيه خدمة تحسين محركات البحث. في المقال دة هنعرفك على محركات البحث، إزاي بيشتغل، ايه هي طرق تحسين مستوى البحث لموقعك على الويب.
ما المقصود بـ تحسين محركات البحث ؟
تحسين محرك البحث (SEO) هو ممارسة تحسين مواقع الويب والمحتوى الرقمي لتحسين رؤيتها وأهميتها وترتيبها على صفحات نتائج محرك البحث (SERPs). يتضمن تقنيات واستراتيجيات وأفضل الممارسات المختلفة التي تهدف إلى تعزيز هيكل الموقع ومحتوياته ووجوده العام عبر الإنترنت لجعله أكثر جاذبية لمحركات البحث والمستخدمين على حد سواء.
يعتبر تحسين محركات البحث لموقعك على الويب نوع من أنواع التسويق الإلكتروني المهمة جدًا ودة لأكتر من سبب. أولهم هو إن محركات البحث بيستخدمها تقريبًا جميع مستخدمي الإنترنت على عكس مواقع التواصل الإجتماعي اللي ممكن تلاقي كتير أوي من الناس مش بيستخدموها. ميزة مهمة جدًا من مميزات تحسين محركات البحث إن المستخدمين هم اللي بيدوروا عليك مش إنت اللي بتروحلهم زي باقي انواع التسويق الإلكتروني. بمعنى إن العميل هو اللي بيدور على خدمة أو منتج موجودين عندك ودة معناه إنه محتاج المنتج دة فتقدر بإسلوب كتابتك تقنعه بيها وتخليه يقرر يشتريها. عكس التسويق على مواقع التواصل الإجتماعي واللي بتظهر فيه لمستخدمين مهتمين بالنوع دة من المنتجات ولكن مش بالضرورة يكونوا محتاجين له دلوقتي. أما الميزة الأخيرة فهي إنك بشوية إهتمام بالنقط اللي ذكرناها كلها هتقدر تطلع دايمًا في الصفحة الأولى في نتائج محركات البحث من غير ما تحتاج تدفع فلوس إعلانات زي الأنواع التانية من التسويق الإلكتروني.
بعد ما عرفت أهم الأساسيات اللي محتاج تفهمها لتحسين محركات البحث لموقعك على الويب، لازم تعرف إن شوية تفاصيل بسيطة هتفيدك جدًا لو عملتها. وتفاصيل تانية تبان بسيطة ولكنها ممكن تدمر كل مجهودك لو عملتها. دلوقتي هنقولك على أكتر حاجات محتاج تعملها وأكتر حاجات محتاج تاخد بالك منها لتحسين محركات البحث لموقعك على الويب.
أفعل:
لازم تختار عنوان واضح يعبر عن محتوى موقعك أو صفحتك عشان العميل يقدر يفهم أو يتوقع هو هيقرأ إيه وهل هيلاقي اللي بيدور عليه ولا لا.
إتأكد إن عناوين الصفحات في موقعك قصيرة لأن لو كان العنوان طويل جدًا مش هتقدر محركات البحث إنها تعرضه كامل وبالتالي مش هيفهم المستخدم الصفحة بتتكلم عن إيه ومش هيجرب يزور موقعك.
إستخدام الكلمات المفتاحية في الـ URL الخاص بالصفحة
لا تفعل:
متستخدمش عناوين طويلة ومعقدة
متكتبش عناوين ملهاش علاقة بمحتوى الصفحة
متكتبش عناوين مبهمة أو مش منطقية
متكتبش الكلمات المفتاحية في سياق مش مفهوم لمجرد انك تضمن وجودها في العنوان
Comments
Post a Comment