ما الفرق بين SEO و SEM
باختصار ما الفرق بين SEO و SEM ؟
في اختلافات جوهرية بين تحسين محركات البحث SEO والتسويق عبر محركات البحث SEM، وده لأن استراتيجية تحسين محركات البحث بتركز على ان موقعك الإلكتروني يتصدر نتائج الصفحة الأولى على جوجل، وده طبعا بيساعدك في زيادة زوار موقعك مجانا. كمان عشان تظهر فى صفحة النتائج الأولي بتحتاج وقت طويل شوية، ولكن بتقدر تحقق عائد استثمار تراكمي كويس جدا خصوصا لو منتظم في انك تشارك المحتوى على موقعك الالكتروني باستمرار. وطبعا احنا فى Marketing بالعربي هنوضح لك كل التفاصيل للاجابة عن سؤال عن ما الفرق بين SEO و SEM.
أما التسويق عبر محركات البحث SEM، فإن النتيجة بتظهر على طول بعد تفعيل إعلانات الدفع مقابل النقرة PPC، خصوصا لو كانت مستوفية الشروط والمعايير، وكمان بتقدر تسوق لموقعك الإلكتروني أو منتجاتك بأسلوب يجذب جمهورك المستهدف مع إضافة وسائل الاتصال وغيرها. لكن بمجرد ما توقف تشغيل الحملة الإعلانية، مش هتحقق عائد استثمار، ومش هتظهر في النتائج المدفوعة.
وعشان كدة العناوين الرئيسية لكل صفحة جوا الموقع ولكل مقال مهمة جدًا جدًا في رفع مستوى أداء تحسين محركات البحث لأن لو العناوين دي مكتوبة بعناية إحترافية معناها إنها هتعجب ناس أكتر وهيزور موقعك ناس أكتر وأكتر.
أول وأهم خطوة في تحسين محركات البحث لموقعك على الويب هي المحتوى.
المحتوى المكتوب لازم يكون منظم ويكون مكتوب بطريقة تشويقية تقدر تجذب انتباه المستخدم. لازم في كتابة المحتوى الخاص بموقعك تراعي إنه يكون مناسب ومتماشي مع طبيعة عميلك. يعني متقدرش تكون بتستهدف أجانب وتكتب كل كلامك عربي لأنه مش متماشي مع طبيعتهم. وطبيعة العميل بتكون من حيث اللغة، الفئة العمرية، الطبقة الاجتماعية، اهتمامته، وحاجات تانية كتير لازم تراعيها في المحتوى المكتوب.
Comments
Post a Comment